Transcription
1
Monsieur, hier, sur les quattre après midi, mon filz de La Coste venant
2
se pourmener à cheval, ma dit dans Lion diverses diverses nouveles dudit lieu.
3
Lune qui me contente grandement feust larrivée de voz petitz mignons
4
en ce lieu. Laultre, qui me rendit neanmoins estonné que marri, feust le
5
trespas de monsieur le conte de Tende notre gouverneur qui feust
6
sabmedi entre sis et sept heures du soir, dune traque passive
7
comme lon ma dit ce matin. Votre susdit nepveu est alé audit
8
Avignon, tant pour se trouver aux obsèques dudit seigneur
9
pour luy et pour moy, que pour veoir son ficce qui y feust le vielle.
10
A la mesme heure, jay envoié ung des miens vers monsieur de Carces
11
qui estoyt parti d’Avignon le vendredi precedent pour aller
12
orassoné ceus de la religion qui se trouvoient tous esmeus pour
13
quelque deshordre advenu sus troys ou quattre de ladite
14
religion à Cisteron, ayant mandé prié le baron de Seneste les
15
sieurs de Bornio Despinoso de sen rendre vers luy à Aix,
16
pour aviser à prevoir quil nen vint aultre deshordre en ce
17
peys et que chasqun se contint chez luy je ne scay si les aultres
18
y seront alés, mays en chemin venant de La Coste icy, jay
19
trouvé ung qui ma dit que le baron de Seneste estoit encores
20
audit lieu malade et quil esperoit incontinant quil pourreyt
21
monter à cheval aler cherment trouver ledit sieur de Carcès
22
avec monsieur Deise qui le solicite, estant audit lieu de
23
Seneste despuys troys jours icy ce matin mandé à Marseille
24
pour fère prendre garde à ce que jey charge touchant quelque
25
remuement à ce changement, mesmes en ce temps, je my
26
suys offert à monsieur de Carcès en ce quil cognoistroist
27
que je seroys bon pour luy fère service. Jay prins ceste après
28
disnée près moy à venir voir vostre petit peuple qui se porte si bien
29
que vous et madame de Gordes scauriés soulhaicter. Je me
30
suys grandement pleu durant deus heures que jay este icy
31
avec eux madamoysele de Caseneu et tous qui luy apartiennent
32
à vous pardeca sont en tele et si bone
33
sancté que vous desirés et pour ce que je men atende coucher
34
à La Coste et que je nay loisir escripre à monsieur de St
35
Andre ny à mon filhs monsieur d'Asnieres, je vous supplierey
36
Monsieur vous contenter que ceste sy leur soyt monstre
37
Après que vous en serensegne en laquele Ilz trouveront que,
38
Dieu mercy, ma femme se trouve à present bien se y fortifiant
39
du tent à aultre à Sapt et que jespère veoir madame la
40
Presidente Beliefvre si ele passe par ces quartiers ou en
41
Avignon si je ne suys mande de monsieur de Carces me
42
rendre devers luy que je ne scay pas eseement les dit sieurs
43
mescripvent sil leur plaist et se contenteront après que jaray
44
Salue voz bonnes graces et celes de madame de Gordes de mes
45
Tres humbles recommandations et supplications de mon frère
46
Monsieur le prothonotaire qui est venu ceste après disnée voir
47
le petitz mignons et damoysele mesdits seigneur de
48
St Andre et mondit fils prendront en ceste se leur plaist
49
[v] mes humbles et plus affectionnées recommandations a leur bonne grace.
50
Je prie dieu vous donner
51
Monsieur et a madame de Gordes et a mes dits seigneurs de St
52
Andre et Dasnieres tres bone longue et contente vie de Gargas
53
As la hatte ce XIII doctobre 1572 à troys heures apres midi
54
Votre très humble cousin et affectionné
55
serviteur
56
F. de Lacoste
57
Sans ladvertissement du desus dudit seigneur monsieur le Conte mon filhs de
58
la Coste de Bausmetes et nepveu de Biceus car le père est encores ung peu faché encores quil vous en a mendene choses Ien. Vous le trouuez ce jourdhuy
59
En Avignon où il nous avoit prie nous trouver pour lacister à la venue
60
de madame la Contesse. Je ne scay que vous dire du voiaige
61
de monsieur de nouvelles et de moy et ausi peu de mon filhs de la Coste; Il faudra
62
en prendre votre resolution quant à mon fils; mès quant à celuy
63
de monsieur de Mandellot, il veult attandre que monsieur le president
64
Fiacre soyt de retour de la Court qui le rend à votre costé moult incontinent.
65